❤️ Бахархам эцэг эхчүүд| ЛГБТИК+ хүүхдүүдээ "хайрладаг" олны танил эрхмүүд🏳️‍🌈🏳️‍⚧️

Эдгээр олны танил эрхмүүд хүүхдүүдээ гей, лесбиян, бисексуал, транс* буюу бэлгийн болон хүйсийн цөөнх гэдгээ илэрхийлсэн ч тэдэнд "хайртайгаа" илэрхийлж, бүхий л үеүдэд дэмжиж иржээ. Тэд бол энэ цаг үеийн шилдэг эцэг эхчүүд юм!

Нийгэм маань хүний эрхийн мэдрэмжтэй, ЛГБТИК+ хүмүүст ээлтэй, аюулгүй болох тусам өөрийн бэлгийн чиг баримжаа, хүйсийн баримжааг зориг гарган эцэг эхдээ илэрхийлэх нь ихсэж байна. Үүнээс гадна, ЛГБТИК+ хүмүүс бид бие махбод, сэтгэл санааны хувьд эрүүл байхад гэр бүлийн гишүүд, тэр дундаа эцэг эх, асран хамгаалагчид хамгийн том дэмжлэг үзүүлдгийг хэлж чадна.

1. Роберт Де Ниро - Тэр маш үзэсгэлэнтэй транс* охинтой!

Роберт Де Ниро, Айрин Де Ниро

Роберт Де Ниро бол дэлхийн хамгийн алдартай, нэр хүндтэй жүжигчдийн нэг юм. Түүний тоглосон дэлгэцийн бүтээлүүдээс дурдвал "Taxi Driver", "The Godfather: Part II", "Raging Bull", "Goodfellas", "Meet the Parents" зэрэг кинонууд багтдаг.

Роберт Де Ниро нь үзэсгэлэн төгөлдөр транс* охинтой бөгөөд түүний нэрийг Айрин Де Ниро гэдэг. Айрин нь транс эмэгтэй гэдгээ 2011 онд кам аут хийсэн бөгөөд түүний эцэг Роберт энэ талаар хэлэхдээ түүнийг дэмждэг, мөн ЛГБТИК+ олон нийтэд үргэлж хайртай, хүндэтгэлтэйгээр хандаж байгаагаа илэрхийлсэн. Тэрээр "Би бүх хүүхдүүдээ хайрладаг. Транс* хүний эрхийг хамгаалах хэрэгтэй" хэмээжээ. Де Ниро нарын гэр бүл ЛГБТИК+ хүний эрхийн төлөө идэвхтэйгээр дуу хоолойгоо өргөж, дэмжлэгийг үзүүлдэг.

Айрин Де Ниро "Them" сайтад өгсөн ярилцладаа:

"Мэдээж хэрэг эцэг эхчүүд бүгд төгс биш, гэхдээ би өөрийн эцэг эхдээ талархдаг. Тэд намайг хамгийн боломжийн энгийн байдлаар хүүхэд шиг хүүхэд насаа өнгөрүүлэхийг хүсэж, олон нийтийн нүднээс хол байлгадаг байсан"

2. Дэвид Теннант - Доктор Хэн цувралын гол дүрийн жүжигчин

Дэвид Теннант болон түүний эхнэр Жоржиа

Доктор Хэн цувралын гол дүрийн жүжигчин Дэвид нонбайнари хүүхэдтэй аж. Дэвид болон Жоржиа нар хоёул. гайхалтай эцэг эхчүүд. Учир нь тэдний хүүхэд Дорис нь бага насандаа транс* гэдгээ эцэг эхдээ илэрхийлсэн юм. Ийм ч учраас тэд хоёул ЛГБТИК+ хүний эрх, тэр дундаа Транс* хүний эрхийн төлөө тууштайгаар тэмцдэг.

Дэвид Теннант 2024 оны Их Британийн "LGBT Award" шагнал гардуулах ёслолоос "Олны танил Ally" шагналыг авсан бөгөөд тэрбээр өөрийн илтгэлдээ ийн дурджээ:

“Хүн бүр өөрийнхөөрөө байж, бусдад хор хөнөөл учруулахгүйгээр хүссэн амьдралаараа амьдрах эрхтэй гэдгийг хүлээн зөвшөөрөх нь онцгой шагнал авах ёстой үйлдэл мэт ойлгогдож байгаа нь надад гунигтай санагдаж байна. Энэ чинь энгийн ухаан, хүний ёс суртахуун биш гэж үү? Ийм зүйлийг онцолж, гайхаж хүлээж авдаг нийгэмд амьдарч байна гэхээр харамсалтай.”

3. Cher - "Do you believe in life after love?"

Дуучин Шер болон түүний хүү Чаз Боно нар

Дуучин Шерийн хайртай хүү Чаз Боно нь транс эрэгтэй юм. Домогт дуучин эхэндээ зөв төлөөний үг хэлж, хүүгийнхээ шилжилтийг ойлгоход хэцүү байснаа хүлээн зөвшөөрч, хүүгийнхээ шилжилтийн дараа түүнийг "урьд урьдынхаас илүү аз жаргалтай" байсан талаар ярьж байжээ.

4. Синтия Никсон - Транс хүүгийн ээж

Синтия Никсон хүү Сэмюэл Жоспе Мозесийн төгсөлтийн үеэр

Телевизийн алдартай "Sex and the City" цувралын од Синтия Никсон өөрөө күийр бөгөөд транс хүү Самуэл Жозеф Мозесыг бахархалтайгаар дэмждэг. Тэрээр 2018 оноос Транс байдлыг ойлгох өдрөөр транс хүүхэдтэйгээ зарлаж, түүнийг дэмжиж хайрлахаа илэрхийлж байжээ. "Өнгөрсөн сард коллеж төгссөн хүү Самуэл Жозеф Мозес (Сеф гэдэг) би маш их бахархаж байна" гэж тэр хэлэв. "Би түүнд болон өнөөдрийн #TransDayofAction-ийг тэмдэглэж буй бусад бүх хүмүүст мэндчилж байна." гэжээ.

Нийтлэл бэлтгэсэн: Ц.Цэвээнравдан